Algengar spurningar
Hvað er rekstrarleiga?
Með rekstrarleigu gera leigutaki, bílaumboð og fjármögnunarfyrirtæki samning sín á milli um að leigutaki greiði ákveðið mánaðarlegt leiguverð fyrir afnot af bifreið í ákveðinn tíma. Samningstímabilið getur verið 1 ár, 2 ár eða 3 ár. Hægt er að velja á milli þess að vera með leiguverð í erlendri myntkörfu, í íslenskum krónum eða skipta því hlutfallslega á milli. Í upphafi þarf leigutaki að leggja fram tryggingafé sem nemur 2ja - 4ra mánaða leiguverði. Upphæðin fer eftir viðskiptasögu leigutaka í viðskiptabanka sínum. Hámarksakstur er miðaður við 20.000 km ári.
