Ráðgjafastofa heimilanna - Fréttir

Starfsemi embættis umboðsmanns skuldara hefst 1 ágúst

Tue, 29 Jun 2010 11:24:00 +0000

Embætti umboðsmanns skuldara hefur verið auglýst til umsóknar. Alþingi samþykkti lög um embættið í liðinni viku og hefst starfsemi þess 1. ágúst. Alþingi hefur einnig samþykkt frumvörp um greiðsluaðlögun og tímabundið úrræði einstaklinga sem eiga tvær fasteignir til heimilisnota.

Frumvörp er varða greiðsluerfiðleika verða að lögum á Alþingi

Fri, 25 Jun 2010 14:20:00 +0000

Hinn 24. júní voru samþykkt á Alþingi frumvörp sem miða að því að aðstoða einstaklinga og fjölskyldur í greiðsluerfiðleikum. Meðal annars á að stofna embætti Umboðsmanns skuldara á grunni Ráðgjafarstofu um fjármál heimilanna. Einnig voru samþykkt lög um greiðsluaðlögun einstaklinga , breyting á lögum nr. 50/2009 um tímabundna greiðsluaðlögun fasteignaveðkrafna á íbúðarhúsnæði. Loks var samþykkt tímabundið úrræði einstaklinga sem eiga tvær fasteignir til heimilisnota. Gildistaka laganna er 1. ágúst nk.

Dómar Hæstaréttar um lögmæti gengistryggðra lána

Mon, 21 Jun 2010 12:04:00 +0000

Hinn 16. júní sl. kvað Hæstiréttur Íslands upp dóma er varða lögmæti gengistryggðra lána. Er um að ræða dóma nr. 92/2010 og 153/2010. Er komist að þeirri niðurstöðu að gengistrygging lána í íslenskum krónum sé ólögmæt. Er hér um tímamótadóma að ræða en unnið er að úrvinnslu hjá fjármálafyrirtækjum vegna þeirra. Eru nánari upplýsingar um stöðu málsins á heimasíðum þeirra.

Fjárhagsstaða heimilanna 2004-2009

Fri, 21 May 2010 14:49:00 +0000

Samkvæmt lífskjararannsókn Hagstofu Íslands árið 2009 höfðu 7,1% heimila lent í vanskilum með húsnæðislán/leigu á undanförnum 12 mánuðum og 10,3% heimila höfðu lent í vanskilum með önnur lán á sama tímabili. Árið 2009 áttu 39% heimila erfitt með að ná endum saman og þar af sögðust 8,2% eiga mjög erfitt með það. 15% heimila töldu húsnæðiskostnað þunga byrði og svipað hlutfall heimila taldi greiðslubyrði annarra lána en húsnæðislána vera þunga. Tæp 30% heimila gátu í ársbyrjun 2009 ekki mætt óvæntum útgjöldum að upphæð 130 þúsund með þeim leiðum sem þau venjulega nýta til að standa undir útgjöldum.

Lausnir fyrir lántakendur – Fundaröð félags- og tryggingamálaráðherra

Tue, 4 May 2010 11:43:00 +0000

Félags- og tryggingamálaráðherra heldur 10 borgarafundi víðs vegar um landið á næstunni þar sem hann fjallar um skuldastöðu heimilanna, kynnir úrræði og svarar fyrirspurnum. Á fundunum verða starfsmenn Ráðgjafarstofu um fjármál heimilanna til viðtals.

Frumvarp um greiðsluaðlögun bílalána lagt fyrir Alþingi á næstu dögum

Sun, 2 May 2010 19:55:00 +0000

Frumvarp félags- og tryggingamálaráðherra um greiðsluaðlögun bílalána verður lagt fyrir Alþingi á næstu dögum. Þetta var samþykkt á fundi ríkisstjórnar fyrir helgi.

Lög um ábyrgðarmenn og greiðsluaðlögun - dómur

Tue, 13 Apr 2010 15:13:00 +0000

Héraðsdómur Suðurlands kvað upp dóm í morgun vegna laga um ábyrgðarmenn og greiðsluaðlögun. Þar er m.a. vísað til þess að fyrir gildistöku laga um ábyrgðamenn nr. 32/2009 hafi Sparisjóður Vestmanneyja átt lögmæta kröfu á hendur ábyrgðamönnunum, þess sem fékk staðfestan nauðasamning vegna greiðsluaðlögunar, en það var sjálfskuldarábyrgð vegna skuldabréfs. Þrátt fyrir að við gildistöku laganna um ábyrgðarmenn frá 4. apríl 2009 en þar eru ákvæði sem fela í sér að sjálfskuldaábyrgðin falli niður verði ekki um um það deilt að kröfuréttindi njóta verndar eignarréttarákvæðis 72. gr. stjórnarskrárinnar og verða ekki skert án bóta með afturvirkri og íþyngjandi löggjöf

Fjárhagsstaða heimilanna - breytingar síðustu misseri og áhrif aðgerða

Mon, 12 Apr 2010 16:54:00 +0000

Seðlabanki Íslands stóð fyrir málstofu í dag þar sem fjallað var um skuldastöðu heimila hér á landi og um hverju aðgerðir í þágu heimila hafa fengið áorkað. Kynntar voru niðurstöður greiningar á greiðslubyrði lána heimila, þróun eiginfjárstöðu og þróun á fjölda heimila sem glímir við greiðsluerfiðleika.

Umboðsmaður skuldara og ný lög um greiðsluaðlögun sem félagslegt úrræði

Wed, 17 Mar 2010 16:34:00 +0000

Stofnað verður embætti umboðsmanns skuldara til að gæta hagsmuna heimila í greiðsluvanda og sett ein lög um greiðsluaðlögun sem einfalda framkvæmdina og gerir úrræðið aðgengilegra. Viðamiklar aðgerðir ríkisstjórnarinnar til að bæta stöðu skuldsettra heimila voru kynntar í dag.

Frysting afborgana námslána til 3 ára

Sat, 13 Mar 2010 15:28:00 +0000

Stjórn Lánasjóðs íslenskra námsmanna hefur ákveðið að taka tímabundið upp greiðsluerfiðleikaúrræði sem í felst 3 ára frysting á greiðslu afborgana hjá sjóðnum. Aðeins þeir sem eru í verulegum fjárhagsörðugleikum geta fengið slíka frystingu.

Ókeypis lögfræðiráðgjöf á bókasöfnum í borginni

Wed, 3 Mar 2010 08:11:00 +0000

Orator, félag laganema, undir leiðsögn reynds lögfræðings, mun á næstu vikum bjóða borgarbúum upp á lögfræðilega ráðgjöf á bókasöfnum Reykjavíkurborgar. Þjónustan er borgarbúum að kostnaðarlausu en mannréttindaráð Reykjavíkurborgar styrkti Orator til verkefnisins.

Frestur vegna nauðungarsölu verður framlengdur

Thu, 25 Feb 2010 11:00:00 +0000

Frestur vegna nauðungarsölu verður framlengdur um allt að þrjá mánuði til viðbótar en síðasti frestur sem gefinn var rennur út um mánaðamótin. Frumvarp til breytinga á lögum þessa efnis var samþykkt á Alþingi í dag.

Hámarksfjárhæð innheimtukostnaðar hækkar

Wed, 24 Feb 2010 17:47:00 +0000

Tekið hefur gildi reglugerð um breytingu á reglugerð nr. 37/2009 sem kveður á um hámarksfjárhæð innheimtukostnaðar vegna innheimtu gjaldfallinna peningakrafna ef sá kostnaður er innheimtur hjá skuldara. Hækkun á einstökum liðum nemur á bilinu 4-10%.

Rafræn umsókn um aðstoð vegna greiðsluerfiðleika hjá ÍLS

Wed, 13 Jan 2010 13:54:00 +0000

Viðskiptavinir Íbúðalánasjóðs sem þurfa að leita sér aðstoðar vegna greiðsluvanda geta nú sent rafrænt inn umsókn til banka, sparisjóða og Ráðgjafarstofu um fjármál heimilanna, en ekki er lengur tekið við umsóknum á pappír.

Ársskýrsla Ráðgjafarstofu 2008

Wed, 11 Nov 2009 09:25:00 +0000

Ráðgjafarstofa um fjármál heimilanna hefur gefið út ársskýrslu um starfsemi sína árið 2008. Aldrei hafa fleiri þurft á þjónustu Ráðgjafarstofunnar að halda en 870 fjölskyldur og einstaklingar fengu þar ráðgjöf á árinu.

Undirritun samninga vegna skuldavanda

Sat, 31 Oct 2009 14:17:00 +0000

Samningar við fjármálafyrirtæki, lífeyrissjóði og Íbúðalánasjóð um úrræði vegna skuldavanda einstaklinga og heimila og framkvæmd þeirra voru undirritaðir í félags- og tryggingamálaráðuneytinu í dag og hafa þar með öðlast gildi.

Áríðandi upplýsingar um greiðslujöfnun verðtryggðra fasteignaveðlána

Fri, 23 Oct 2009 17:23:00 +0000

Frumvarp um aðgerðir í þágu einstaklinga, heimila og fyrirtækja vegna banka- og gjaldeyrishrunsins var samþykkt frá Alþingi í dag og taka lögin gildi 1. nóvember. Þar með hafa orðið breytingar á lögum um greiðslujöfnun fasteignaveðlána til einstaklinga nr. 63/1985 sem mikilvægt er að fólk kynni sér til hlítar.

Þjónustuverið flytur frá Sóltúni á Hverfisgötu 6

Fri, 23 Oct 2009 14:35:00 +0000

Vegna aukinnar aðsóknar var í maí síðastliðnum ákveðið að opna þjónustuver í Sóltúni 26. Það fyrirkomulag að viðskiptavinir gætu komið án þess að bóka sérstakan tíma mæltist vel fyrir.

Bændasamtökin gerast aðilar að rekstri Ráðgjafarstofunnar

Wed, 21 Oct 2009 14:18:00 +0000

Bændasamtök Íslands hafa gerst aðilar að samkomulagi um hlutverk og rekstur Ráðgjafarstofu um fjármál heimilanna sem gildir til ársins 2012. Samningur um aðildina var undirritaður í vikunni.

Frumvarp um aðgerðir vegna skuldavanda

Sun, 18 Oct 2009 11:58:01 +0000

Frumvarp um aðgerðir í þágu einstaklinga, heimila og fyrirtækja vegna banka- og gjaldeyrishrunsins hefur verið lagt fyrir Alþingi. Ekki er gert ráð fyrir flatri niðurfellingu skulda en opnað er á möguleika eftirlitsskyldra aðila, einkum lánastofnana, til að lækka höfuðstól krafna við afnám gengis- eða verðtryggingar að ákveðnum skilyrðum uppfylltum. Meginreglan er þó sú að tekið skuli á vanda hvers skuldara fyrir sig, hvort sem um er að ræða einstakling eða fyrirtæki.

Spurt og svarað um aðgerðir vegna skuldavanda heimilanna

Thu, 8 Oct 2009 08:46:39 +0000

Á upplýsingavefnum Island.is er nú hægt að lesa spurningar og svör þar sem er útskýrt hvað felst í boðuðum aðgerðum stjórnvalda gegn skuldavanda heimilanna sem áætlað er að taki gildi 1. nóvember næstkomandi.

Leiðrétt greiðslubyrði og aðlögun skulda

Thu, 1 Oct 2009 12:54:39 +0000

Árni Páll Árnason, félags- og tryggingamálaráðherra, kynnti í gær viðamiklar aðgerðir sem fela í sér umtalsverða leiðréttingu á greiðslubyrði af lánum og nýjar leiðir til að laga skuldir fólks að eignastöðu og greiðslugetu.

Staða ábyrgðarmanna í tengslum við greiðsluaðlögun

Tue, 22 Sep 2009 16:44:01 +0000

Fái einstaklingur greiðsluaðlögun á skuldum sínum þannig að þær séu lækkaðar, lækkar ábyrgð ábyrgðarmanna sem því nemur. Standi viðkomandi við greiðsluaðlögunarsamninginn fellur því ekkert á ábyrgðarmanninn.

Endurskipulagning skulda, heimila og fyrirtækja

Sun, 20 Sep 2009 12:55:12 +0000

Endurskipulagning skulda heimila og fyrirtækja í kjölfar kerfislægrar fjármálakreppu var umfjöllunarefni málstofu sem Seðlabanki Íslands stóð fyrir nýverið. Fjallað var um reynslu annarra landa af endurskipulagningu skulda heimila og fyrirtækja og hvaða lærdóma megi draga af henni fyrir Ísland.

Innköllun vegna nauðasamnings til greiðsluaðlögunar leiðir ekki til skráningar á vanskilaskrá

Mon, 14 Sep 2009 12:44:55 +0000

Athygli er vakin á breyttu fyrirkomulagi við skráningu innkallana vegna nauðasamnings til greiðsluaðlögunar sem felur í sér að einstaklingar sem fara í greiðsluaðlögun eru ekki skráðir á vanskilaskrá Creditinfo.

Leiðbeiningar með greinargerð vegna umsóknar um greiðsluaðlögun

Wed, 8 Jul 2009 10:57:06 +0000

Þegar sótt er um greiðsluaðlögun þarf að fylgja ítarleg greinargerð um aðstæður umsækjanda. Mikilvægt er að greinargerðin sé vel úr garði gerð til að auðvelda vinnslu umsóknarinnar og til að fyrirbyggja að henni verði vísað frá héraðsdómi vegna ónógra upplýsinga á grundvelli 38.gr. og 63.gr.d. gjaldþrotalaga nr. 21/1991.

Spurningar og svör um úrræði fyrir einstaklinga í fjárhagsvanda

Mon, 6 Jul 2009 10:46:14 +0000

Á vef Island.is hefur verið sett upp sérstakt vefsvæði þar sem leitast er við að svara ýmsum spurningum sem kunna að vakna hjá einstaklingum í fjárhagsvanda. Samantektin á efalaust eftir að greiða úr ýmsum spurningum um fjármál einstaklinga.

Reglugerð sett um skilyrði þess að eftirgjöf skulda utan atvinnurekstrar teljist ekki til tekna o.fl.

Thu, 25 Jun 2009 11:09:45 +0000

Í nýrri reglugerð nr. 534/2009 er gert ráð fyrir að eftirgjöf skulda manna utan atvinnurekstrar teljist ekki til skattskyldra tekna. Samkvæmt reglugerðinni er skilyrði að einstaklingur, og eftir atvikum maki hans, eigi engar eignir sem hægt er að ganga að til greiðslu skuldarinnar eða séu að öðru leyti ekki borgunarmenn fyrir skuldinni.

Greining Seðlabanka á fjárhagsstöðu heimilanna

Mon, 15 Jun 2009 11:08:54 +0000

Glærur frá kynningu Seðlabankans þann 11. júní sl. á á fjárhagslegri stöðu íslenskra heimila í kjölfar bankahrunsins.

Tímabundin greiðsluaðlögun fasteignaveðkrafna - umsóknareyðublöð

Fri, 15 May 2009 10:50:00 +0000

Lög nr. 50/2009

um tímabundna greiðsluaðlögun fasteignaveðkrafna á íbúðarhúsnæði tóku gildi í dag. Eyðublöð vegna beiðni um tímabundna greiðsluaðlögun fasteignaveðkrafna eru komin á vefinn. Um er að ræða tvö eyðblöð sem umsækjendur þurfa að fylla út.