Greiðsluerfiðleikar

Hlutverk Ráðgjafarstofunnar er fyrst og fremst að veita skuldsettum einstaklingum og fjölskyldum endurgjaldslausa fjárhagsráðgjöf. Ráðgjöfinni er ætlað að veita fólki yfirsýn yfir stöðu fjármála sinna og aðstoð við að gera greiðsluáætlanir, velja úrræði og semja við lánardrottna, ef þess er þörf. Meginmarkmið Ráðgjafarstofu er hjálp til sjálfshjálpar, en tillögur Ráðgjafarstofu eru hugsaðar sem ákveðið verkfæri fyrir skuldara til að leita samninga við kröfuhafa.

Yfirlit yfir helstu úrræði þegar um greiðsluerfiðleika er að ræða. Taka skal fram að það er mjög mismunandi hvaða úrræði henta:

• Að hafa strax samband við kröfuhafa og láta vita af núverandi fjárhagsstöðu
• Skynsamlegt er að leita samninga við kröfuhafa um að aðlaga greiðslubyrði skuldbindinga að greiðslugetu
• Ýmislegt getur hent einstaklinga og fjölskyldur, t.d. veikindi, atvinnumissir o.fl. Mikilvægt er að láta kröfuhafa vita strax um það sem getur skert greiðslugetuna
• Auka tekjur ef mögulegt er
• Draga úr útgjöldum. Skynsamlegt er að færa heimilisbókhald til að fá yfirsýn yfir útgjöld fjölskyldunnar
• Selja eignir ef mögulegt er
• Frjálsir samningar við lánardrottna
• Að kynna sér greiðsluerfiðleikaúrræði vegna lána Íbúðalánasjóðs
• Að kynna sér greiðsluerfiðleikaúrræði fjármálafyrirtækja og leita sér ráðgjafar. Fjármálastofnanir, lífeyrissjóðir og aðrir sem veita fasteignaveðlán hér á landi hafa undirritað samkomulag við stjórnvöld um að veita lántakendum fasteignaveðlána sambærileg greiðsluerfiðleikaúrræði og Íbúðalánasjóður veitir.
• Nauðasamningar skv. lögum um gjaldþrotaskipti nr. 21/1991
• Greiðslujöfnun fasteignaveðlána
• Greiðsluaðlögun óveðtryggðra lána
• Tímabundin greiðsluaðlögun fasteignaveðlána
• Íbúðalánasjóður
  Innheimtuaðgerðir og úrræði vegna greiðsluerfiðleika